- الحلقة
بعنوان: Blood of My
Blood – دماً من دمي
- الحلقة بشكل مجمل بالنسبة لينا، كانت حلقة
كاملة متكاملة عدا حاجات بسيطة كانت ضعيفة شوية، يعني البعض يرى الحلقة مش حلوة
لأن مافيش فيها اي حركة ولا مشاهد ضرب أو أو، بصراحة ده مسلسل درامي يا جماعة مش
لازم نقضيها أكشن علطول، الحلقة حلقة تمهيدية لبلاوي وأحداث كتيرة قادمة قدام سواء
الموسم ده أو اللي بعده، احنا كعشاق للرواية والمسلسل، عجبتنا.
- المحاور الموجودة ضمت محاور جديدة وعودة
شخصيات قديمة وظهور جديدة (بران وميرا ورا السور بعد هروبه من الكهف – سام وغيلي ف
طريقهم لهورن هييل – كينغ لاندينج وصراع التاج مع الدين – آريا ف برافوس ومسرحية
جديدة – ريفيرون وبالتحديد ف التوأم وعودة والدر فراي – دانيريس والدوثراكي وحقبة
جديدة من الفشخرة).
- بران وميرا بعد هبروهم من الكهف ومأساة ما
حدث الحلقة الخامسة، اصبحوا ف وسط التلج والبرد والوايت واكر يطاردوهم، ميرا مهما
كانت قوية مش هتقدر تكمل ف البرد ده وهي بتجر بران، وفعلاً عند نقطة ما توقفت
وجابت أخرها خلاص، المهم ف المدة دي بران كان بيحلكم بالماضي كله وشفنا لقطات فلاش
باك كتيرة جداً حلوة منها لقطات من المواسم اللي فاتت ومنها لقطات جديدة جداً،
الجديدة زي الملك المجنون نشوفوا لأول مرة وهو بيتقتل ع يد جايمي ومشهد ليانا
ستارك ومشهد موت ند ستارك ومشاهد كتيرة، يعتبر ده أحلى محور ف الحلقة تقريباً،
المهم اللقطات دي بالتفصيل ف اخر التحليل هنشرحها واحدة واحدة، أو ربما ف بوستات
منفصلة، المهم خلاص بران كمن وميرا ع وشك الموت إلا أن المساعد تأتي من حي لايحتسب
ويظهر شخص غامض يقتل الواكرز كلهم وياخد ميرا
وبران ويهرب، بعد كده يبدأ يكشف هويته قدامهم ومين بقى نتفاجئ انه عم بران،
بنجين اللي كان اختفى من المواسم الاولى لما جون كان ف الحراسة وراح ورا السور
ومارجعش، المهم حكى قصته وازاي عغاش وهو كان بيموت وهنا تأتي المفاجأة بأنه نتاج
سحر الواكرز وأطفال الغابة، الكتاب هنا لمن يعرف الرواية ف شخصية تغاضى عنها
المسلسل، اسمه "كولد هاند – ذو اليد البارد- شخص متحول ولكن لديه تفكير،
سنتكلم عنه في وست مخحصص ليه، هنا نقدر نقول انه بنجين ممكن مش بمواصفات كولد هاند
كاملاً ولكنه بشكل ما قريب، ف حديثه مع بران كان مصمم انه يقدر يسيطر ع قوته لأنه
الوحيد اللي هينقذ الممالك من ملك الليل، وانتهى المحور هنا، والمحور ده هو ف نظري
سببب تسمية الحلقة "دماً من دمي" لأنه مافيش أي تفسير أخر لكده.
بوست مخصص لشخصية بنجين ستارك: https://www.facebook.com/GOTarabsClub/photos/a.991518344199587.1073741831.762988980385859/992911167393638/?type=3&permPage=1
- عودة لمحور سام الأهطل وغيلي العبيطة وف
طريقهم لمنزل سام وهو عائلة تارلي، محور كان بطيء شوية ورخم ولكن نقابل هنا شخصيات
جديدة، والدة سام "ميليسا فلورنت" محبة لسام جداً ابنها البكر، اخت سام
تالا، والمفروض ف اختين كمان ولكن لم يظهروا، في أيضاً أخوه ديكون شخصية شايفة
نفسها كده، وأخيرا واهم حاجة والد سام الشخصية المقيتة الكارهة لسام راندل تارلي
وطبعاً الممثل اللي أدى الدور معروف، عامة لمعرفة تفاصيل أكتر عنه خش هنا: https://www.facebook.com/GOTarabsClub/photos/a.764009413617149.1073741829.762988980385859/1057797934238294/?type=3
راندل من الكارهين للهمج، وبشكل ما خلال
حديثه مع سام وغيلي اكتشف ان غيلي من الهمج وهنا قامت الدنيا وما قعدتش، غضب عارم
تسبب في غضب أمه وأخدها غيلي من ع العشاء وانتهى الحوار بين تارلي وابنه سام بأنه
سام هيرحل وغيلي هتشتغل خدامة وابنه سام الصغير (تارلي مايعرفش انه لقيط مش ابن
سام ولكن سام كدب عليه ومفهمه انه ابنه) سام الصغير هيفضل ويتربى ف وسط عائلة
تارلي اللي ليها صيت وسيط وايضا أغنياء، لكن سام لأول مرة بعد كم سنة ف المسلسل
يطلع راجل أووي ويقرر انه يعصي أبوه أكتر وممكن يجبله الضغط أكتر بعد هربه هو
وغيلي وسرقته لسيف العيلة المقدس Heartsbane المصنوع من
الصلب الفاليري، هههههه، سام كان راجل شوية المرة دي وهرب وانتهى المحور الممل ده،
لكن فين سام هيروح مانعرفش ولكن نتوقع بما انه معاه بنت وسيف مهم جداً صعب يروح
أولد تاون ويبقا مايستر لأنه هيكون قريب من أبوه، وكمان فين هيترك غيلي والسيف
فين؟؟ غالبا أتوقع انه يرجع للسور تاني ولكاسل بلاك عند جون.
- كينغ لاندينج وصراع التاج مع الدين، من
اعلان الحلقة الأسبوع الماضي الكل كان مترقب ممشى التكفير لمارجيري وربما المعركة
التي هتحصل بين جنود عائلة تايرل بقيادة أبوها اللي فعلاً ف الحلقة دي رجعوا
لاسترجاع مارجري ولوريس بقيادة السير جايمي ومايس تاريل، المحور ده الكل مش بيحبوا
لأنه ممل جداً ولكن المشهد وهي عارية ع ممشى العقاب كان منتظر جداً خاصة بعد
موافقة تومين وقدرة مارجيري انها تقنعه بالحقيقة ودي إما لعبة منها أو فعلاً
استسلمت لكلام الهاي سبارو، وخلاص المعركة هتكون إما يسلموا مارجيري ولوريس وإلا
الجنود هتموت كل سبارو ف المعبد، ولكن مشهد ذكي جاء وهو ظهور تومين متحداً مع
الهاي سبارو ف حاجة سماها اتحاد الدين والتاج، وأصبح مافيش مارجيري لممشى عقاب
خلاص وولا حتى معركة ومارجيري تخلت عن أخوها، المهم لقطة كوميدية دايما من الأهبل
مايس تايرل ف خطابه كان ساذج جداً أمام جنوده وجايمي كان عاوز يضحك بس مسك نفسه،
واللقطة التانية لما مايس بيقول لأمه "هو في ايه يا أماه" وهي لسان
حالها تقولوا "فشخونا ياود" :D،
المهم لم ينتهي المحور ع كده لا، زاد حدة بأن تومين بكونه الملك جرد خاله اللي هو
أبوه اصلا من لقب لورد الحرس الملكي وكمان نفاه بره المدينة وكلفه بمهمة جديدة وهي
استعادة ريفرون من السمكة السوداء أو عميد عائلة تارلي دلوقتي وهنفهم اللي حصل ف
المحاور الجاية، في محادثة بسيطة بينه وبين أختي سيرسي واللي انتهت بأحضان و****
والبقي ماكملش المهم، كان جايمي ناوي يعين برون وأمهر القتلة لقتل الهاي سبارو
كلهم ولكنهم أقنعته بأن يسمع كلام تومين ويروح يستعيد ريفرون، وذكرت سيرسي ان
محاكمتها هتكون بالقتال وفارسها هو الجبل طبعاً، ولكن مين هيكون فارس الهاي
سبارو!! دي مفاجأة واحنا نتوقع يكون شخص احنا حبيناه قبل كده، وهو الكلب أخو الجبل
اللي المفروض عرفنا انه مات المواسم الماضية لما قتلته بريان وتركته آريا سموت، بس
نتوقع انه يكون هو، لأن الهاي سبارو ده خبث الدنيا وذكي جداً.
- آريا ف برافوس ومسرحية جديدة، المحور ده
كان عالي جدا جداً وجميل للغاية، آريا مهمتها قتل الليدي كرين الممثلة، وف
المسرحية الجديدة اعادة أحداث الزفاف بتاع جوفري ومارجيري ومقتله بالسم من الكاس
لمن يتذكر، المهم المسرحية كانت هزلية جداً واثناء كده آريا حطت السم ف زجاجة
النبيذ لليدي كرين، عشان تموتها ولكن قبل ما تخرج آريا كرين تقفشها وتقلها بتعملي
وهلم جرا، يدور حديث جميل ما بنهم آريا بشكل ما تحن ليها وشايفها ست محترمة وطيبة وتقولها
ان اسمها "ميرسي" (ده اسم أول فصل في الكتاب الجديد) وقبل ما تفكر كرين
تشرب النبيذ المسموم آريا ترمي الكاس قبل ما تشربه قدام مشهد استغراب لكل ممثلين
المسرح ولكن آريا تنبه كرين من البينت اللي عاوزة تقتلها وهي ممثلة مساعدة صغيرة،
لكن آريا كده بعدم قتلها الليدي كرين ضيعت فرصتها الثانية ف انها تكون من الرجال
بلا وجوه وهي عرفت كده انها خلاص استنفذت كل فرصها وقررت ترجع لأصلها آريا ستارك
وراحت رجعت سيفها المحبوب "نيدل" وكده خرجت ف مغامرة مختلفة تماماً، وقتها
كانت بتراقبها البنت اللي بتكرها وعلطلول تقول لجاكين انها ما قتلتش كرين، وجاكين
يأمرها بقتل آريا وتكون موتة رحيمة بدون معاناة، انتهى المحور القوي ده، وآريا
عارفة انها اصبحت مطاردة ومنتظرة موتها لوكن توقعنا انها ستهرب بطريقة ما لويستروس
عشان تتم انتقامها لعائلتها، في شائعات بأنها هتموت الحلقات القادمة ولكن ده
استهباال وغير مرجح تماماً.
- ريفيرون وبالتحديد ف التوأمان وعودة والدر
فراي، مشهد جديد لمحور جديد وهو عودة والدر فراي من نهاية الموسم الثالت بعد
الزفاف الدموي وأحداث المحور دارت حوالين فراي وهو بعياتب أ,لاده المهابيل لأن
السمكة السوداء اللي هو بريندن تالي واتكلمنا عنه قبل كده، المهم بريندن قدر
يستعيد معقل عيلته آل تالي من الفراي، لكن والدي لديه خطة مختلفة وهي الابتزاز،
هيبتز بريندن بابن أخوه اللي ظهر برده الحلقة دي بعد 3 مواسم وهو إدميور تالي أخو
كاتلين ستارك والمفروض الوريث الوحيد لريفيرون، وكان محبوس ف زنزانة والدر فراي ف
التوأمان، المهم الابتزاز هيكون بكده مع تذكير السمكة السوداء انه مافيش أي حد ف
صفه ولا يسانده ولكن والدر معاه اللانيستر وهيدعم ده جايمي لانيستر لما يسافر
لاسترداد ريفيرون من اعلان الحلقة القادمة، والدر كالعادة شخصية سوية جداً وقذرة ف
مشهده وهو متعصب يقوم ضارب البنت العسل الي جانبه على ***، ياراجل هو انت كده حلو
يعني!! :d
المهم أيامك معدودة يا عجوز ونهايتك الموسم ده، المحور ده هيتطور الحلقة الجاية ف
ريفيرون ومش هيكون بمعركة ولكن بتشارو او ابتزاز برده من السمكة السوداء وجايمي
لانيستر، ونتوقع انه جايمي مش هيقدر يستعيد القلعة وهيكون سجين عائلة تالي، خاصة
لما يشوف ان الستارك راجعين وطالبين مساعدة بلاك فيش، الموضوع هنا طويل جداً.
- أخر محور هيكون مع دانيريس والدوثراكي وكأن
المحور ده جاي كمالة دقايق للحلقة، كان مه تقيل جداً لم نجد فيه اي متعة، ملخصه ان
ادنيريس تأتي راكبة التنين مسبب انبهار للدوثراكي جميعاً وتأمرهم بأن يركبوا معها
اسطولاً من السفن لغزو ويستروس واستعادة ما هو ملك لها، لكن فق المشهد بتسألأ
داريو كم سفينة تحتاج؟؟ قالها ألف، واوو علطول كده نفكر ف الحج يورين جرايجوي وهو
بيقول عاوز ألف سفينة، ايه يا جماعة هو انتم متفقين والا ايه؟؟ ما ينفعش طيب 990
سفينة؟؟ :D،
المهم داني هنا طلعت قعدت تاني على *** التنين :D ماعرفش
استحملتهم ازاي هههههه، المهم وانتهت الحلقة كده.
ملخص الحلقة كانت تحوي محاور معتادة وجديدة
ولخصت تمهيد لما ينراه ف الحلقات القادمة، الحلقة ليس مملوءة بالأكشن أو الحركة
ولكنها حلقة "بناء" لما هو قادم، يكفي ما رأيناه ف الخمس حلقات من آكشن
يا جماعة.
تقيمنا للحلقة: 9/10، ولم تأخذ تقييم اعلى
بسبب محور دانيريس الظريف ومحور سام البطيء.
تحليل لقطات الفلاش الباك اللي ظهرت ف رؤيا
بران:
1 – أهمها هو ظهور الملك المجنون لأول مرة
وهو الملك آيريس تاغيرين المشهور بحبه للنار وحرق الجميع للمتعة، كل اللي كان ع
لسانه ف الفلاش باك هو "احرقهم جميعاً"، طبعاً هو يقصد ناس كتيرة ف
الكلام ده، وتأتي لقطات الفلاش باك مكملة لجايمي لانيستر وهو رايح يقتله، فل لقطات
ممتازة صراحة من الظل الذي رأيناه ف الاعلان وخلافه وبعدها جلوس جايمي ع العرش،
لقطة ممتاز جدا جداً، طبعاً لمن يتذكر انه ف تمرد روبرت براثيون كان اللي قتل
الملك المجنون خيانة هو جايمي، والأحداث اللي حابب يقراها هنا: https://www.facebook.com/GOTarabsClub/photos/a.991518344199587.1073741831.762988980385859/995470137137741/?type=3&permPage=1
2 – باقي الفلاش باك نظراً لطول التحليل هيكون واحدة واحدة ف بوستات
مختلفة، نعتذر لكم جميعاً.
وبالنسبة للمواقع في كم مواقع سينما مشهورة كده، عارفنها، بتستنى ننزل
التحليل عشان تغش منه وتكتب هي بمزاجها لأن ماعندهاش خلفية بأي حاجة، بس عامة عادي
احنا تحت أمر يا فندم احنا بنقول رأينا ومجرد أمور بسيطة مش حاجة قوية تتغش.
ليست هناك تعليقات :