مراجعة للحلقة الخامسة من الموسم السادس لصراع العروش
الحلقة كانت بعنوان: “الباب – The Door"
قبلما نبدأ المراجعة فيها حرق أكيد، يعني ما تقرأش لو مشفتهاش، بالنسبة للمحاور بتاع المسلسل كانت كالتالي: (السور وسانسا وجون وكمان بيتر بايليش – آريا في برافوس – وراء السور بران وأطفال الغابة والفلاش باك – الجزر الحديدية والكنجز مووت – دانيريس والدوثراكي – تيريون في ميرين - نعود مجدداً للسور وماورائه).
الحلقة كانت قوية جداً جداً ومأساوية وأحبطتني جداً وكان يوم أسود بالأمس، مكنتش متوقع يحصل كده وصراحة سبيت للمنتجين ولجورج مارتن نفسه على اللي حصل grin emoticon.
- السور وسانسا وجون وخططهم القدم: تبدأ الحلقة برسالة لسانسا قادمة من بيتر بايليش الذي يخشى مقابلتها ف الكاسل بلاك وطيلب مقابلة ف أقرب مدينة بعد الكاسل بلاك، تذهب سانسا ويقابلها بيتر ويتفاجئ بأن معها الليدي بريان، هنا فهم الخنصر إنه لا محال من الخداع، وبدأت مواجهة شرسة بينه وبين سانسا فحواها رامزي وعن كون بيتر عارف حقيقته ولا، كانت أسئلة سانسا ليه كلها جادة ومؤنبة بشكل قوي والدمعة كانت بتفر من عين بايليش grin emoticon ، المهم انتهى اللقاء بإنس انسا خلاص انتهت منه ولكنه قالها تروح لخال أمها السمكة السوداء في ريفيرون وتطلب مساعدته، تروح سانسا تتناقش مع جون والجماعة دافوس وتورمند والساحرة حوالين من من عائلات الشمال مخلص ليهم ومين هيجمعنوا عشان يحاربوا جيش البولتون والآمبرز والكارستارك، واتقسمت المهام ع الجميع بريان تذهب ليفيرون لتبلغ براندن وتطلب المساعدة وسانسا مع جون والساحرة ودافوس هيكمل طريقه ليطلب عون باقي عائلات الشمال، أجمل اللقطات هنا لما سانسا جابت لجون ملابس جديدة وعليها علامة الستارك بتعتهم وكمان هي حطت الشعار على فستانها كنوع من التذكير، اللقطة الأكثر هسترية ف الحلقة كلها وهي بصت تورمند لبريان وهما خارجين من الكاسل بلاك (لسان حاله بيقلها مش هتيجي بقى :d)، لقطة هستريية مضحكة جداً.
- محور آريا ف برافوس: هذا محور لأول مرة يطول هكذا من أول المسلسل كالعادة بعد بعض التدريبات لآريا مع البت الغلسة اللي مش عارفين اسمها، تكلف آريا من جاكين بمهمة لقتل ممثلة ف مسرح، تذهب آريا وتشاهد المسرحية اللي بتدور أحدثها حوالين عائلتها واللي حصل لأبوها وخلافه، ولكن التجسيد للي حصل كان سيء جداً أغضب آريا لأنهم استهزأوا بأبوها وأنكروا حقائق كتير ماحدش عارفها إلا هي، وبعد المسرحية ما تنتهي تروح وضعة السم للمثلة وترجع المعبد تبلغ جاكين بالي حصل وانها محتاج وجه من وجوه القاعة اللي هو حكى ليها لأول مرة ازاي الوجوه دي جت وانها وجوه أوائل من خدم الإله ومن بعدهم، محور كان طويل شوية ولكن أعطى تفاصيل أكترونتوقع انه يكون مهم جداً ف الحلقات القادمة.
- وراء السور يبدأ المشهد ببران في لقطة للماضي السحيق عند أطفال الغابة واللي لأول مرة نشوف حاجة جديدة يكشفها المنتجين إنه الوايت واكرز كانوا من صنع أطفال الغابة نفسهم وعللت "ليف" إنه كان ده دفاعاً عنهم ضد البشر اللي هما أوائل القوم اللي دخلوا ويستروس وبدأوا بقطع أشجار أطفال الغابة المقدسة ولك ع ما يبدو إن الوايت واكرز خرجوا عن السيطرة وبدأوا يجتاحوا القارة وهلم جرا والشرح كتير ف الكلام ده، اللينك ده بيوضح حاجات كتيرة،
وبسبب غباء بران قدر ملك الليل انه يشوفوا لا وكمان لمسه وبكده قدر يعرف مكان بران ف الكهفق وراح ليه هو وجيش الوايت واكرز وهيقتحموا الكهف، المحور ده لسه فيه كتير ولكن ف نهاية الحلقة وأهم شيء ف الحلقة صراحة، هخليه للأخر.
- محور الجزر الحديدية ومراسم تعيين الملك الجديد للجزر واللي يعتبر أسوأ محور تم اقتباسيه من الرواية، لأن مراسم الكنجز مووت كانت رهيبة وفيها كتير ولكن ف الحلقة هنا اختصروها تقريباً 1 % من اللي حصل، المهم يبدأ المشهد بـ"يارا جريجوي" وهي بتطلب انها تكون ملكة الجزر وايه هتقدر تقدمه للكل وكيف أسياد ويستروس كانوا بيقللوا معاملتهم وانها هتنتقم وتصنع أكبر أسطول وتحاربهم جميعاً ولكن رفض البعض معللين انه ما فيش امرأة حكمتهم قبل كده ولكن يدخل أخوها ثيون ويشجعهم بأنها الأحق والأفضل لحكم الجزر، ولكن تأتي المفاجآة هنا بدخول عمهم "يورين جريجوي" مطالب بالرعش الملحي وبدأ يستهزأ من ثيون عشان ماعندوش **** وازاي بنت هتحكمهم وضحك ع الحضور بأنه هيصنع أكبر أسطول ويقوده لأنه الوحيد اللي يقدر وأجدر منهم جميعاً وأيضاً أقنعهم بأنه هيقدر يتحالف مع دانيريس ويعطيها اسطوله ف مقابل انها تجتاح كل الممالك السبعة في ويستروس، صراحة أداء مبتذل من الممثل وكمان كان دمه تقيل، المهم انتهى بكونه هو الملك الجديد ويبدأ أخوه الكاهن بمراسم تعيينه ف الماء واللي أوشك انه يغرقه ولكن ما مات من الماء وفاق وطلب منهم قتل ثيون واخته يارا اللي هربوا سريعاً وسرقوا كل سفن الجزر الحديدية وده أحلى لقطة ادوا لعمهم ****، ولكن عمهم طلب من السكان بناء ألف سفينة، ابقا قابلني بقى لما يعملوا كده.
- دانيريس مع الدوثراكي في مشهد قصير جداً جمعها بجورا مورمنت وداريو ودار حوار بينها وبين جورا وعرفت انه مصاب بالغراي سكلز وطلبت منها كملكة انه يعالج نفسه ويرجعلها تاني وينتهي المشهد بمغادرة جورا وهو يبكي ودانيريس تقود جحافل الدوثراكي وأتوقع انها راحة تفشخ مدن خليج العبيد تاني، المشهد رغم انه قصير ولكن كان مؤثر مع ابتذال شوية.
- تيريون ف ميرين وحوار ساخن بينه وبين غرايوورم وفاريس على آمن ميرين المؤقت ولكنهم يطلبوا مساعدة كاهنة حمراء جديدة مزة شوية اسمها كينفارا واللي جت من فولانتيس وانها أول كهنة إلهه النور، بيدور حوار قوي جداً بينها وبين تيريون وفاريس وينتهي بموافقتها ع المساعدة واقناع الناس بأن ادنيريس هي الملكة وعليهم إطاعة مستشاريها ولكن اللقطة الأكثر جدلاً هنا انها بتقول بأن دانيريس هي الأمير الموعود!!! والنبي انتِ وميلساندري هتلعبوامعانا ولا ايه؟؟ (يا هي يا جون ومفيش مانع انهم يكونوا الاتنين grin emoticon ويبقى عندنا ثلج ونار وتبقى الرواية خلصت على كده :D).
- نعود لمحور بران وراء السور مع أطفال الغابة وهجوم الوايت ووكرز على الكهف، المشهد ده يعتبر أقوىمشهد ف مشاهد المسلسل كله وانتهى نهاية مأساوية، بدأ بأن الغراب أمرهم انهم ييرحلوا بسرعة لأن ملك الليل خلاص عرف مكانهم وداخل الكهف، ولكن لازم ينقل الغراب كل حاجة لبران ولكن مافيش وقت، المهم تمكن الوايت ووكرز من دخول الكهف ودمروه وقتلوا معظم أطفال الغابة الموجدين وأيضاً أثناء نقل الغراب لبران الأحداث قدر النايت كينج انه يقتل الغراب وكده انتهت ولكن ميرا تضع بران على الزلاجة وتهرب هي وواحدة من الأطفال ووهودور والذئب سامر ولكن الوايت ووكرز كتير يضحي سامر بنفسه لتعطيلهم ف مشهد مأساوي صراحة ويليه طفلة الغابة المتبقية بتفجير الكهف أيضاً عشان بران وميرا وهودور يهربوا منا لباب الخلف، ولكن الوايت ووكرز كتير، لكن ميرا قدرت تخرج من الباب هي وبران وهودور وهنا تأتي مشهد النهاية اللي يعتبر عبقرية جورج مارتن تتلخص فيه ويشرح لينا فيه لماذا هودور لا ينطق سوى كلمة هودور من خلال بعض المشاهد من الماضي وأن بران هو السبب ف إن ويليس أو هودور يصبح مشلولاً ولا ينطق إلا كلمة واحدة لأنه رآه وهو صغير وتسبب ف شلله والأسوأ هنا انه هودور كان بيصد الباب من الوايت ووكرز وميرا بتقوله "HOLD THE DOOR" اللي اتحول ف النطق بعد كده لكلمة “HODOOR وينتهي المشهد بموت هودور للأسف وهو بيصد الباب ليتمكن بران وميرا من الهروب ، من الآخر كده بران هو السبب ف اللي حصل ده كله بغباء أهله.
عامة الحلقة تستحق كل التمجيد والإشادة وتقيمنا هو 9.5/10، وتعتبر من أفضل الحلقات بلا منازع يعيبها بعض المشاهد التي ذكرت مثل الكنجزمووت.
اللينك ده بيدي بعض المعلومات عن هودور وربما عن أصله.
Are you looking for free Facebook Followers?
ردحذفDid you know you can get them AUTOMATICALLY & TOTALLY FREE by using Like 4 Like?