ريفيو الحلقة عشرين من مسلسل البرق- The Flash 2014 2x20 - Rupture

ريفيو الحلقة عشرين من مسلسل البرق- الموسم الثاني

بداية كان لازم نستنى يوم ع الأقل لحد ما المعظم يتفرج ع الحلقة

طيب، نبدأ بقى الحلقة هي رقم 20 والكل عارف ان باري آلين فقد سرعته

الحلقات اللي فاتت وبيحاولوا بطريقة ما إنهم يرجعوا السرعة دي، لكن مافيش أي حلول

سوى حل واحد هاريسون ويلز اقترحه في أخر الحلقة اللي فاتت وهو" التسبب في إنفجار مسرع جزئيات"

يعني يعيدوا نفس الأحداث اللي أعطت باري سرعته>

-  طيب الحلقة العشرين كان عنوانها "Rupture أو المُمزِق" وهو متحول لديه قوى بيتحكم فيها بعصا وهو أخو سيسكو من الأرض اثنين  عشان يقتل سيسكو بعد ما زووم قاله انه موت أخوه "ريفيرب"، طيب اشمعن الحلقة استمت باسمه؟؟

والله ما أعرف، ده حتت غباء منهم، لأن تواجده كان يادوب 5 دقايق وف الأخر مات، يعني ولا ليه لازمة.

عامة: الحلقة بدايتها كانت ساذجة شوية وبطيئة بشكل غريب، بدأت الأحداث تزيد قوة بدخول المعلم زووم

كده نتكلم، زووم لولاه الحلقة دي ولا ليها لازمة وبسببه هو اللي خلى ويلز والفريق يستجعلوا أمر دخول باري للمسرع الجديد عشان يرجعوا سرعته.

- الممثلين جميعاً تواجدوا تقريباً وزاد عليهم والد باري اللي دخل فجأة المسلسل وقالك هيكمل معاهم!! ده أكيد بيحضروا للحلقات الجاية اللي مش هنشوف فيها باري.

- تواجد أيضاً لأول مرة والي ويست وجيسي ويلز سوا مع بعض لأول مرة ودول تقريباً مصب الحلقات القادمة بعد اللي حصل ليهم.

- مشاهد زووم كلها بالواحدة كانت قوية ولا يمكن نكرانها، في مشهد ف لحمة البصر موت فيها فوق ال10 شرطيين، ده حاجة فاجرة بصراحة وده كان بسبب ان باري والشرطة بيحاولوا يقبضوا على الممزق ويخدعوا زووم، ولكن انقلبت الحيلة عليهم وزووم موت الممزق وقتل الشرطيين، يعني بصراحة كده عمل معاهم الجلاشة الصح.

- بسبب اللي عمله زووم بعد ما كان باري متردد انه يدخل جهاز المسرع الجديد، بقى ليه دافع كبير انه لازم يرجع سرعته عشان يحارب زووم، وهنا بقد الأحداث اللي الكل بيتكلم عليها بدأت.

- فكرة إعادة تجسيد الأحداث مشابه تماماً للي حصل في قصص Flashpoint Paradox عدا ان باري ما اختفاش هنا، في الحلقة باري اختفى وده مش معناها انه ميت ؟. لا بالعكس ده هيبقى اقوى وافضل من الأول لانه داخل السبيد فورس نفسها بقا منها، واللي مش فاهم قصدي، يشوف الفيديو اللي تحت ده، ده من أحد قوى باري نفسه، هو موجود ولكن ف مكان تاني أو بعد أخر وهما هيحاولوا يرجعوه الحلقات الجاية.

https://www.facebook.com/narutoworldfan/videos/1182709198426482/?permPage=1

- طيب اللي حصل لجيسي ووالي، كده احنا تأكدنا اننا هنشوف "جيسي كويك" و"كيد فلاش" اللي هما أحد السبيدستر في عالم فلاش طبعاً ودول هيكونوا أول من هيساعد باري للرجوع، تقريبا ده من افضل اللي حصل ف الحلقة.

- يعني الحلقة خدعت الناس وباري موجود والدليل شوفوا اعلان الحلقة الجاية

https://youtu.be/Qq2ocveLT-Y

- نقط بقى عاو اوضحها ف الحلقة وهي سقطات كتيرة ف الحلقة رغم انها من أقوىا لحلقات، زي أولاً ازاي باري ما انتبهش لما أبوه بيقله انه اسم "جاي جاريك" هو اسم جدة باري!!! يارياجل ما ختش بالك من دي؟؟ عندك كمان حوارات آيريس كلها مع باري تكاد تكون قمة ف الرخامة والاستفزاز، انت بارده اوي وحكاكة يا بت انتي :D  هههههه. لا شخصية رخمة جدا.

- ايه الفايدة من زووم يموت المتحول ده؟؟ مش عارف غلاسة وخلاص وازاي المتحول ده ما اقدرش انه بالقوة اللي معاه دي يضرب ولا واحد أو يصيب سيسكو أو أخوه؟؟ يا راجل!!

- كله كوم وانهم يختاروا المطعم "جيترز" يكون بديل لمركز الشرطة ده حاجة مستفزةة!! يعني مدينة طويلة كبيرة زي سنترال سيتي مافيش فيها حاجة تشبه مركز الشرطة!! ده انت عندك متاحف وعندك مبنى البلدية، عندك كتير مباني ممتازة.

- اللي خلاني سكت على بعض السقطات ف الحلقة هو كل مشاهد زووم كانت ممتازة جدا بصراحة، أطغت على التفاهة ف الحلقة وزووم بلا منازع اللي نجح الحلقة والمفروض كانت تتسمى أي حاجة ليه مش على المتحول اللي عمل زيارة ده.

بالنسبة للحلقة الجاية، هنشوف تواجد متحولين كتير منهم بلاك سايرين اللي هي شبيهة بلاك كناري في الأرض اثنين وطبعاَ شريرة جاية مع مجموعة يدمروا سنترال سيتي بأوامر من زووم أكيد.

- النقطة اللي عاوز أوضحها وهي مهمة ومرت مرور الكرام زي ما قلت، "جد باري آلين من الأم" اللي هو هيبقا جاي جاريك؟؟ معنى كده انه باري ليه نسل من عائلة جاي جاريك وده هيعطينا دليل كبير انه الشخص المقنع اللي ف القفص بالارض اثنين ده غالباً هيكون والد باري من الأرض اثنين، ولكن أغلبها احتمالات مش هنقدر نقرر.

اللي عنده حاجة عاوز يضيفها يقول، واللي متوقع انه اللي لابس قناع يكون حد تاني يقول رأيه (ممكن والي – جاري جاريك الحقيقي – روني – ممكن إد ثون ... من الأرض اثنين)